ბაგრატ II (აფხაზთა მეფე)

ბაგრატ II იყო ბაგრატიონთა დინასტიიდან აფხაზთა სამეფოს მეფე X საუკუნის I მესამედში, მეფე კონსტანტინე III–ის  უმცროსი ძე მეორე ცოლისაგან. ფავნელთა "დაწერილის" მიხედვით, ბაგრატ II კონსტანტინე მეფის თანამმართველი იყო და, ამდენად, ტახტის ერთ-ერთ მემკვიდრედ ითვლებოდა. მამის გარდაცვალების შემდეგ ბაგრატ II-ს მისი უფროსი ნახევარძმა გიორგი აუჯანყდა. ბაგრატ II-ს სიმამრი გურგენ ერისთავთერისთავი(ბაგრატიონთა კლარჯეთის შტოს ერთ-ერთი უძლიერესი წარმომადგენელი) ეხმარებოდა. ქვეყანა შფოთმა და არეულობამ მოიცვა, "ვიდრე არ მიიცვალა ბაგრატ". თავის დროზე შედგენილი ყოფილა ბაგრატ II-ის "ცხოვრება", რომელსაც ჩვენამდე არ მოუღწევია.

წყარო: საქართველო: ენციკლოპედია: ტ.I.–თბ., 1997.–გვ.315