გივი გამსახურდია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი ფინანსებისა და კრედიტის სპეციალობით. 1965-1976წწ. იყო თბილისის სახელმწიფო უნივერსიტეტის დოცენტი; 1977-1990წწ. ეკონომიკის ფაკულტეტის დეკანის მოადგილე, კათედრის გამგის მოადგილე, ცენტრალური კომიტეტის საორგანიზაციო განყოფილების ინსპექტორი, ფინანსთა სამინისტროს ფინანსების და ფულის მიმოქცევის მთავარი სამმართველოს უფროსი, აბაშის რაიკომის მდივანი, საქართველოს სახალხო კონტროლის თავმჯდომარის მოადგილე და საქართველოს ეროვნული ბანკის საბჭოს წევრი; 1994 წლიდან  თბილისის სახელმწიფო უნივერსიტეტის ფინანსებისა და კრედიტების კათედრის გამგე; შემდგომში საქართველოს ტექნიკური უნივერსიტეტის ბიზნეს-ინჟინერინგის ფაკულტეტის სრული პროფესორი. ავტორია 200-მდე სამეცნიერო ნაშრომის, არაერთი მონოგრაფიისა და სახელმძღვანელოსი.

სადოქტორო დისერტაციის თემა - "საქართველოს საფინანსო პოლიტიკის ძირითადი პრობლემები თანამედროვე ეტაპზე", დაიცვა 1995 წელს. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 72; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.116

• საბაჟო დეპარტამენტის საბჭო, წევრი
• საგადასახადო ინსპექციის საბჭო, წევრი

• 1998 - ღირსების ორდენი
  სტუდენტი ახალგაზრდობის აღზრდის საქმეში შეტანილი დიდი წლილისა და ნაყოფიერი სამეცნიერო მოღვაწეობისათვის
• საპატიო ნიშნის ორდენი

• ფინანსების როლი საქართველოს გარდამავალ ეკონომიკაში (ავტორი). - თბილისი, მერიდიანი, 1997. - 218გვ.
• საქართველოს საფინანსო პოლიტიკის ძირითადი პრობლემები თანამედროვე ეტაპზე (ავტორი). - თბილისი, მერიდიანი, 1995. - 244გვ.
• სოციალისტური შეჯიბრების როლი წარმოების პროცესის სრულყოფაში (ავტორი). - თბილისი, თბილ. უნ-ტის გამ-ბა, 1973. - 119გვ.