ზურაბ გაგნიძე

დაბადების ადგილი: ქ. თბილისი.

დაამთავრა თბილისის სახელმწიფო პოლიტექნიკური ინსტიტუტი 1980 წელს და ჰუმანიტარულ-ტექნიკური ინსტიტუტი 1993 წელს.

1980-1984წწ. იყო თბილისის სახელმწიფო პოლიტექნიკური ინსტიტუტის ლაბორანტი; 1984-1994წწ. უფროსი პროგრამისტი; 1989-1997წწ. ჯაზჯგუფ "ადიოს" წევრი; 1992-1993წწ. რუსთაველის თეატრის სტუდიის მუსიკოსი; 1992-1993წწ. ჯგუფ "ჯაზოჯაზის" წევრი; 1997 წლიდან ჯგუფ "შინის" ბასისტი, მომღერალი და კომპოზიტორი; 1997 წლიდან Godin Guitars-ის კანადა და Blue Chip music Technology-ს (გერმანია) პერფომერ-წარმომადგენელი საქართველოში. მუსიკალურად გააფორმა რ. სტურუას სპექტაკლები: "ცხოვრება სიზმარია", "სეჩუანელი კეთილი კაცი", დ. ანდღულაძის "მე-6 პალატა", ნ. გაგნიძის "ესსე ფემინა"; 1995 წელს გამოუშვა კომპაქტ-დისკი "შინ" ჯგუფ "ადიოსთან" ერთად; 1998 წელს კომპაქტ-დისკი "იკარუსი" ჯგუფ "სავანთან" ერთად. მიღებული აქვს "ლიგა-96"-ის საუკეთესო ჯაზშემსრულებელის წოდება "ადიოსთან" ერთად.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 70

• ახალგაზრდა შემოქმედთა გაერთიანება, წევრი (1992-1997)