ვლადიმერ ბაბილუა

დაბადების ადგილი: სოფელი ქვემო ჭალადიდი, ქ. ფოთის ტერიტორია. 

დაამთავრა თბილისის სახელმწიფო უნივერსიტეტის ისტორიის ფაკულტეტი 1933 წელს.(სწავლობდა ხარკოვის უნივერსიტეტშიც).

1917 წლიდან მღეროდა ძუკუ ლოლუას გუნდში. 1924 წლიდან იყო დასავლეთ საქართველოს ეთნოგრაფიული გუნდის ლოტბარი, 1940–1955წწ. საქართველოს ხალხური სიმღერისა და ცეკვის სახელმწიფო ანსამბლის ლოტბარი. 1940-1952წწ. ხელმძრვანელობდა საქართველოს რადიოკიმიტეტის გუნდს. მაღალი ოსტატობით ასრულებდა ქართული მუსიკის ფოლკლორის კლასიკურ ნიმუშებს("კუჩხი ბედნიერი", "მიყვარს ფაცხა მე მეგრული", "მახა", "სი ქოულ ბატა", "გულისა", "ოდოია" და სხვ.). დიდი როლი ითამაშა ქართული ხალხური სიმღერის დახვეწისა და პოპულარიზაციის საქმეში. ქართული ხალხური სიმღერების შემსრულებელი და ლოტბარი.

წყარო: საქართველო: ენციკლოპედია: ტ.I.–თბ., 1997.–გვ.313

• 1962 - საქართველოს ხელოვნების დამსახურებული მოღვაწე