კოტე გაბაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტის სემიტოლოგიის განყოფილება 1971 წელს.

1971-1993წწ. იყო თბილისის სახელმწიფო უნივერსიტეტის ფილოლოგიის ფაკულტეტის ზოგადი ენათმეცნიერების კათედრის ასპირანტი, უმცროსი და უფროსი მეცნიერ-თანამშრომელი, უფროსი მასწავლებელი, დოცენტი, ფაკულტეტის დეკანისმოადგილე სამეცნიერო დარგში;  1982-1993წწ. კოორდინირებული ენათა სწავლების ე. წ. "გერმანული სკოლის" სამეცნიერო თანაავტორი და დამფუძნებელი (გ. რამიშვილთან ერთად); 1989-1991წწ. განათლების მინისტრის მოადგილე; საქართველოს რესპუბლიკის სახელმწიფო საბჭოს წევრი (1992); საქართველოს მე-3 მოწვევის პარლამენტის წევრი: საკომპესანციო სიით, ბლოკი  "ერთობა", მეცნიერებისა და განათლების კომისიის თავმჯდომარე (1992); 1992-1993წწ. განათლების მინისტრი; 1993 წელს თბილისის მერი; 1993-2004წწ. საქართველოს საგანგებო და სრულუფლებიანი ელჩი გერმანიის ფედერაციულ რესპუბლიკაში; 2001 წლიდან ელჩი პოლონეთის რესპუბლიკაში; 1993-2004წწ. ბონში განლაგებულგაეროს კლიმატის ცვლილების ორგანიზაციაში; საქართველოს მე-6 მოწვევის პარლამენტის წევრი: პარტიული სიით "ნაციონალური მოძრაობა-დემოკრატები", საგარეო ურთიერთობათა კომისიის თავმჯდომარე (2004-2008); 2008-2012წწ. საგანგებო და სრულუფლებიანი ელჩი იტალიაში, მალტასა და სან-მარინოში, ასევე ქ. რომში განლაგებულ გაეროს საერთაშორისო ორგანიზაციებში (FAO, IFAD, WFP). 2014 წლიდან ილიაუნის და თსუ-ს მიწვეული ლექტორი, საგარეო პოლიტიკისა და დიპლომატიის თემებზე. გამოქვეყნებული აქვს სამეცნიერო და პუბლიცისტური წერილები. ფილოლოგიის დოქტორი, ომის ვეტერანი. მიღებული აქვს გერმანიის დამსახურების დიდი ორდენი,  აფხაზეთისუზენაესი საბჭოს საპატიო სიგელი; მინიჭებული აქვს საგანგებო და სრულუფლებიანი ელჩის დიპლომატიური რანგი.

სადისერტაციო თემა - "სემანტიკური კვლევის საკითხები", დაიცვა 1975 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 66; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/ კობა ამირხანაშვილი.- თბ.-2015.-გვ.104; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.50

• პოლიტიკური პარტია "ერთიანი ნაციონალური მოძრაობა", წევრი
• საქართველოს მე-3 მოწვევის პარლამენტი, წევრი (1992-1992)
• საქართველოს მე-6 მოწვევის პარლამენტი, წევრი (2004-2008)
• საქართველოს მე-6 მოწვევის პარლამენტის საგარეო ურთიერთობათა კომიტეტი, კომიტეტის თავმჯდომარე (2004-2008)
• საქართველოს მე-6 მოწვევის პარლამენტის ფრაქცია "ნაციონალური მოძრაობა - დემოკრატები", წევრი (2004-2008)

• აკაკი წერეთლის სახელობის პრემია
  ლაურეატი