იური ბიბილეიშვილი

დაბადების ადგილი: სოფელი ჯიხაიში, სამტრედიის რაიონი. 

დაამთავრა ბათუმის პედაგოგიური ინსტიტუტის ისტორია-ფილოლოგიის ფაკულტეტი, სპეციალობით-ქართული ენის, ლიტერატურის და ისტორიის მასწავლებელი 1962 წელს.

1962 წლიდან ეწევა პედაგოგიურ მოღვაწეობას საშუალო სკოლასა და უმაღლეს სასწავლებელში. 1977 წლიდან ბათუმის შოთა რუსთაველის სახელმწიფო უნივერსიტეტის ასისტენტი, მასწავლებელი, 1983 წლიდან დოცენტი, შემდეგ ასოცირებული პროფესორი, ხოლო 2008 წლიდან უნივერსიტეტის სრული პროფესორი; 1995-1999წწ. საქარტველოს მე-4 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარცევნო ფორმა: პარტიული სიით; 1999-2004წწ. საქართველოს მეცნიერებათა აკადემიის ნიკო ბერძენიშვილის სახელობის სამეცნიერო კვლევით ინსტიტუტის ხელმძღვანელი;  2009-2010წწ. ბათუმის შოთა რუსთაველის სახელმწიფო უნივერსიტეტის პედაგოგიკურ მეცნიერებათა დეპარტამენტის ხელმძღვანელი; 2005 წლიდან არის ენციკლოპედია, "აჭარის" ხელოვნების განყოფილების მთავარი რედაქტორი; 2008 წლიდან - რსუ სამეცნიერო შრომების პედაგოგიკა-ფსიქოლოგიის სექციის თანარედაქტორი, სამეცნიერო ნაშრომების ავტორი. პედაგოგიკურ და ფილოლოგიის მეცნიერებათა დოქტორი, პროფესორი. მიღებული აქვს ჩეხეთის ეროვნული კრების საპატიო სიგელი და ი. ა. კომენსკის მედალი (1992); აჭარის ავტონომიური რესპუბლიკის უზენაესი საბჭოს პრეზიდიუმი საპატიო სიგელი (1995).

სადოქტორო დისერტაციის თემა - "იან ამოს კომენსკი და ქართული პედაგოგიკური აზროვნება", დაიცვა 1997 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 51; საქართველოს პარლამენტის წევრები 1990-2015.- თბ.-2015.-გვ. 95; საქართველოს პარლამენტის ვებგვერდი: parliament.ge

• აჭარის ავტონომიური რესპუბლიკის უმაღლესი საბჭო, წევრი (2001-2004)
• აჭარის ავტონომიური რესპუბლიკის უმაღლესი საბჭოს განათლებისა და მეცნიერების ქვეკომიტეტი, ქვეკომიტეტის თავმჯდომარე (2001-2004)
• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის განათლების, მეცნიერებისა და კულტურის კომიტეტი, წევრი (1996-1999)
• საქართველოს მე-4 მოწვევის პარლამენტის მიგრაციის და უცხოეთში მცხოვრებ თანამემამულეთა საქმეების კომიტეტი, წევრი (1995-1997)
• საქართველოს მე-4 მოწვევის პარლამენტის ფრაქცია "აღორძინება", წევრი (1998-1999)
• საქართველოს მე-4 მოწვევის პარლამენტის ფრაქცია "მოქალაქეთა კავშირი", წევრი (1995-1997)
• საქართველოს მწერალთა კავშირი, წევრი

• 2011 - ნიკო ნიკოლაძის სახელობის პრემია
• 1999 - აჭარის ავტონომიური რესპუბლიკის ხელოვნების დამსახურებული მოღვაწე

• სტუდენტთა საუნივერსიტეტო სწავლებისა და აღზრდის საკითხები : სახელმძღვ. დოქტორანტებისა და უმაღლ. სკოლის ლექტორ-მასწავლებლებისათვის (ავტორი). - თბილისი, უნივერსალი, 2011. - 340გვ.. - ISBN: 978-9941-17-269-4
• სული უკვდავი : აჭარაში მოღვაწე მწერალთა შემოქმედება (ავტორი) // წ. 1. . - ბათუმი, აჭარა, 2003. - 372 გვ.
• ცეცხლგამძლე სული : ჯემალ ჯაყელის შემოქმედება (ავტორი). - ბათუმი, მესხეთი, 1999. - 140გვ.
• პედაგოგიკის ისტორია (თანაავტორი). - თბილისი, 1998. - 406გვ.
• ცხოვრების საზრისი (ავტორი). - ბათუმი, აჭარა, 1997. - 396გვ.
• ქართული კომენიოლოგია (ავტორი) // ნაწ. 1.. - ბათუმი, მეცნიერება, 1993. - 198გვ.
• ლიტერატურულ-კრიტიკული წერილები (ავტორი). - ბათუმი, საბჭ. აჭარა, 1979. - 100გვ.