არჩილ ჩორგოლაშვილი

დაბადების ადგილი: ქ. დუშეთი.

 დაამთავრა ვანო სარაჯიშვილის სახელობის თბილისის სახელმწიფო კონსერვატორია 1954 წელს.

1929 წლიდა მრავალი წლის განმავლობაში ეწეოდა პედაგოგიურ მოღვაწეობას დაწყებით სკოლებში; 1934–1935წწ. იყო გურჯაანის რაიონის სოფელ ველისციხეს თეატრის მუსიკალური ნაწილის გამგე; უკრავდა სხვადასხვა ინსტრუმენტებზე დრამატული თეატრების ორკესტრებში; 1935–1936წწ. იყო არტისტი, 1936–1937წწ. თბილისის წითელარმიელთა დრამატული თეატრის სასულე ორკესტრის დირიჟორი; 1937–1938წწ. ქ. დუშეთის პედაგოგიური სასწავლებლის მუსიკის პედაგოგი; 1936–1975წწ. განაგებდა მუსიკალურ ნაწილს და იყო კ. მარჯანიშვილის სახელობის დრამტული თეატრის დირიჟორი; დაწერილი აქვს: ოპერა "განდეგილი"(1968, ვაჟა–ფშაველას მიხედვით), კანტატა "თებერვალი საქართველოში"(1971), ვოკალურ–სიმფონიური პოემა "სალხინო", საბავშვო ოპერა "ნახევარქათამა"(1973), "საცეკვაო სიუიტა" სიმფონიური ორკესტრისათვის, კვარტეტი სასულე ორკესტრისათვის, სიმებიანი კვარტეტი, გუნდები, სიმღერები, მუსიკა დრამატული სპექტაკლებისათვის.

წყარო: Композиторы грузии: Издание второе. – тб., 1973. - გვ. 247; Композиторы и музыковеды грузии. – тб., 1984. - გვ. 420

• საბჭოთა კავშირის კომპოზიტორთა კავშირი, წევრი (1961-19??)

• 1961 - საქართველოს სსრ ხელოვნების დამსახურებული მოღვაწე
• 1945 - სამამულო ომის ორდენი
• 1943 - წითელი ვარსკვლავის ორდენი