სტეფანე ახმეტელი

დაბადების ადგილი: სოფელი ანაგა, სიღნარის რაიონი.

დაამთავრა კადეტთა კორპუსი და სამხედრო სასწავლებელი სუმიში(უკრაინა).

მონაწილეობდა რუსეთ–იაპონიისა(1904–1905) და პირველ მსოფლიო ომში(1914–1915)(პოლკოვნიკი). 1918 წელს, საქართველოს მიერ დამოუკიდებლობის მოპოვების შემდეგ  მიენიჭა გენერალ-მაიორის წოდება. სარდლობდა კორპუსს, თბილისის გარნიზონის ეროვნული გვარდიის ნაწილებს. 1921 წელს, საბჭოთა რუსეთის თავდასხმის დროს–სასაზღვრო ჯარებს. კოჯრის მიდამოებში ებრძოდა რუსეთის მე–11 არმიას. საქართველოში საბჭოთა ხელისუფლების დამყარების შემდეგ დააპატიმრეს გენერალ ჭავჭავაძესა და გენერალ თავაძესთან ერთად და მოსკოვში გაგზავნეს. მოკლეს გზაში, რიაზანის ციხეში. ოფიციალური ვერსიით გარდაიცვალა ტიფით. საქართველოს დემოკრატიული რესპუბლიკის(1918–1921) სამხედრო მოღვაწე, გენერალ-მაიორი(1918). 

წყარო: საქართველო: ენციკლოპედია: ტ.I.–თბ., 1997.–გვ.302

• წმინდა ვლადიმირის IV ხარისხის ორდენი (რუსეთ–იაპონიის ომი)
• წმინდა ანას ორდენი (რუსეთ–იაპონიის ომი)