დალი ჩხეიძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1949 წელს საკომპოზიციო ფაკულტეტი (პედაგოგი ი. ტუსკიას კლასი), ხოლო 1951 წელს საფორტეპიანო ფაკულტეტი (პედაგოგი ვ. შიუკაშვილი).

1949–1959 წლებში მუშაობს პედაგოგად თბილისის პირველ სამუსიკო სკოლასა და სასწავლებელში. 1951 წლიდან ვ. სარაჯიშვილის სახ. თბილისის სახელმწიფო კონსერვატორიის კონცერტმეისტერია, 1959 წლიდან საფორტეპიანო კათედრის პედაგოგი, 1972 წლიდან დოცენტი, ხოლო 80- წლებიდან პროფესორი. ავტორია სამი საფორტეპიანო კონცერტის, რვანაწილიანი კანტატის "საქართველო" (1967), სავიოლინო კონცერტინოსი (1962), "ჰიმნი სამშობლოს" გუნდისა და სიმფონიური ორკესტრისათვის, ერთნაწილიანი კონცერტი ორი არფისათვის (1963), პიესები ფორტეპიანოსათვის, ვიოლინოსათვის, სონატა, სკერცო, "ეტიუდი - სურათი", "მელოდია", "იუმორესკა", რომანსი ვიოლონჩელისათვის, კონცერტი - ფანტაზია ალტისა და ორკესტრისათვის (1969), კამერულ – ინსტრუმენტული პიესები, ვოკალურ – სიმფონიური ნაწარმოებები, ნაწარმოებები ორკესტრისათვის,  საგუნდო ნაწარმოებები, რომანსები, გუნდები, გუნდები ა კაპელა, სიმღერები, საბავშვო სიმღერები, მას ეკუთვნის ოპერა ბავშვებისათვის "ფიფქია და შვიდი ჯუჯა".

წყარო: Композиторы грузии: Издание второе. – тб., 1973. - გვ. 251; 2007 წლის საიუბილეო თარიღები: (თეატრი, მუსიკა, კინო, ქორეოგრაფია),- თბ., 2007.- გვ.115; ქართველი კომპოზიტორი ქალები: georgianwomencomposers.ge

• საბჭოთა კავშირის კომპოზიტორთა კავშირი, წევრი (1950-)

• 1960 - საქართველოს ხელოვნების დამსახურებული მოღვაწე