არდევან ახვლედიანი

დაბადების ადგილი: ქ. ცაგერი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1924 წელს.

მუშაობდა სვანეთში, სადაც შეისწავლა ენდემური ჩიყვი. გამოიკვლია საქართველოში ამ დაავადების გავრცელების მიზეზები. შეისწავლა სოფელ მუაშის მინერალური წყლების სამკურნალო თვისებები, რამაც განაპირობა მუაშის კურორტად აღიარება. 1939-1942წწ. იყო თბილისის სახელმწიფო სამედიცინო ინსტიტუტის მეანობა-გინეკოლოგიის კათედრის პროფესორი. შეადგინა მეანობის პირველი სახელმძღვანელო ქართულ ენაზე. მედიცინის მეცნიერებათა დოქტორი(1936), პროფესორი(1939). მეან-გინეკოლოგი. 

წყარო: საქართველო: ენციკლოპედია: ტ.I.–თბ., 1997.–გვ.297

• ჰორმონალური სტერილიზაცია : ექსპერიმენტული და მიკრომორფოლოგიური ნარკვევი) 35 მიკროფოტოგრაფიული სურათით (ავტორი). - ტფილისი, კომუნისტი-ს სტ., 1935. - 183გვ.
• ჩიყვი და კრეტინიზმი : სტატისტიკური, ეთიოლოგიური, კლინიკური და ანთროპომეტრული მონოგრაფია (ავტორი). - ტფილისი, (სახელგამის სამეცნ. ლიტ. სექტორის 1-ლი სტ., 1934. - 249გვ.