ხარიტონ ახვლედიანი

დაბადების ადგილი: დაბა მახინჯაური.

დაამთავრა თბილისის სახელმწიფო უნივერსიტეტი 1936 წელს.

1936–1938წწ. მუშაობდა ბათუმის სახალხო განათლების განყოფილების გამგედ. 1939–1987წწ. იყო აჭარის სახელმწიფო მუზეუმის დირექტორი. იკვლევდა სამხრეთ საქართველოს ისტორიის, სოციალურ–პოლიტიკური და კულტურის ისტორიის საკითხებს. მისი ხელმძღვანელობით ორგანიზებული სამეცნიერო ექსპედიციების შედეგად გამოვლინდა, აღირიცხა და მუზეუმების ფონდებს ჩაბარდა ექსპონატები, დოკუმენტები, ხელნაწერი წიგნები. მისი რედაქტორობით გამოიცა აჭარის მხარეთმცოდნეობის მუზეუმის შრომათა კრებულები. სამხრეთ საქართველოს მკვლევართათვის მნიშვნელოვანია ხარიტონ ახვლედიანის "სამხრეთ საქართველოს ბიბლიოგრაფია" (1960, ბათუმი). 2005 წელს აჭარის სახელმწიფო მუზეუმს მიენიჭა ხარიტონ ახვლედიანის სახელი.

წყარო: საქართველო: ენციკლოპედია: ტ.I.–თბ., 1997.–გვ.299; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.251; facebook.com

• საქართველოს ისტორიის, ეთნოგრაფიის და ფოლკლორის საზოგადოებისა და ძეგლთა დაცვის საზოგადოების რეგიონალური ორგანიზაცია, თავმჯდომარე

• 1963 - საქართველოს მეცნიერებათა დამსახურებული მოღვაწე

• ნარკვევები საქართველოს ისტორიიდან (ავტორი). - ბათუმი, საბჭ. აჭარა, 1978. - 240გვ.
• სამხრეთ საქართველოს განთავისუფლებისათვის მებრძოლნი (ავტორი). - ბათუმი, საბჭ. აჭარა, 1972. - 110გვ.
• საბჭოთა ხელისუფლების დამყარება აჭარაში : 1917-1921 წწ. (ავტორი). - ბათუმი, საბჭ. აჭარა, 1971. - 182გვ.
• აჭარის ბიბლიოგრაფია (შემდგენელი). - ბათუმი, აჭარის ასსრ სახელგამი, 1951. - 300გვ.