ფარადავლა ახალციხელი

ფარადავლა ახალციხელი იყო ახალციხელთა ფეოდალური საგვარეულოს წარმომადგენელი XIII საუკუნის I ნახევარში, შალვა ახალციხელის ძე. საქართველოში მონღოლების შემოჭრის შემდეგ ფარდავლა გაიქცა რუმის სულთან ყიასედინთან, რომელმაც ის თავის ერთ-ერთ სარდლად დანიშნა. 1244 წელს დარდინ შარვაშიძესთან ერთად სარდლობდა სულთნის ჯარს მონღოლთა წინააღმდეგ ბრძოლაში. სულთნის ჯარი დამარცხდა,  შარვაშიძე მოკლეს, ხოლო ფარდავლა თვით სულთანმა მოაკვლევინა. მემატიანის სიტყვით, იყო "კაცი მხნე და წყობათა შინა სახელოვანი".

წყარო: საქართველო: ენციკლოპედია: ტ.I.–თბ., 1997.–გვ.291