იოსებ ასლანიშვილი

დაბადების ადგილი: ქ. ქუთაისი.

დაამთავრა ოდესის უნივერსიტეტის სამედიცინო ფაკულტეტი 1914 წელს.

მუშაობდა სამრეწველო ტრავმატიზმის, ქირურგიის, ტუბერკულოზის, ფიზკულტურისა და მთასვლელობის საექიმო კონტროლის დარგში. სწავლობდა მთაში (ზემო სვანეთი, რაჭა, აჭარა) ენდემური ჩიყვის გავრცელებას და მის ბუნებას. 1932 წელს თბილისში დააარსა ენდოკრინოლოგიური ლაბორატორია. 1923 წელს მონაწილეობდა ალ. დიდებულიძის ხელმძღვანელობით მოწყობილ პირველ ქართულ გეოფიზიკურ ექსპედიციაში მყინვარწვერზე, რომელმაც გ. ნიკოლაძის ექსპედიციასთან ერთად საფუძველი ჩაუყარა ქართულ ალპინიზმის განვითარებას. ასლანიშვილი საქართველოს ა. ჯაფარიძის სახელობის ალპური კლუბის ერთ-ერთი დამაარსებელია (1936). იყო ჟურნალების "შევარდენი" (1920–1922), "თეატრი და მუსიკა" (1919), "ხელოვნება" (1919-1921), "თანამედროვე მედიცინა" (1924-1933) რედაქტორი. გამოქვეყნებული აქვს ნაშრომები ენდოკრინოლოგიის, მთამსვლელობის, ხელოვნებისა და სპორტის საკითხებზე. ტრაგიკულად გარდაიცვალა 1955 წელს. მედიცინის მეცნიერებათა კანდიდატი (1936), დოცენტი (1941). ენდემური ჩიყვის წინააღმდეგ ბრძოლის ერთ-ერთი ორგანიზატორი საქართველოში. ექიმ–ენდოკრინოლოგი, მთამსვლელი, საზოგადო მოღვაწე. "ვეფხისტყაოსნის" ერთ–ერთი გამოჩენილი კოლექციონერი.

წყარო: საქართველო: ენციკლოპედია: ტ.I.–თბ., 1997.–გვ.229; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.218

• საქართველოს გეოგრაფიული საზოგადოების გამგეობა, წევრი

• 1946 - საქართველოს დამსახურებული ექიმი
• 1946 - სსრკ სპორტის დამსახურებული ოსტატი

• რაჭის კავკასიონი (ავტორი). - ტფილისი, 1933. - 4გვ.
• აფხაზეთის სვანეთი : 1926 წლის მოგზაურობის მიმოხილვა 25 სურათით და რუკით ტექსტში (ავტორი). - ტფილისი, სახელგამის 1-ლი სტ., 1933. - 36გვ.
• ჩიყვის ახალი კერები საქართველოში : მოხსენებულია შავი ზღვისა და დასავლეთ კავკასიის მხარეთმცოდნეობის მეორე ყრილობის ჯანმრთელობის სექციაში ქ. ბათომში 27.IX 1925 წელს (ავტორი). - ტფილისი, 1929. - 127გვ.
• მყინვარწვერზე ასვლა 1928 წლის ზაფხულში (ავტორი). - ტფილისი, 1929. - 4გვ.