დავით ახვლედიანი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი 1970 წელს.

1975 წელი პროექტის მთავარი არქიტექტორი; 1967-1980 წლებში მუშაობდა ზონალურ სამეცნიერო-კვლევით ინსტიტუტში - თბილზნიეპში პროექტის მთავარ არქიტექტორად. 1980-1982წწ. საქართველოს სამხედრო გზის მშენებარე ობიექტების მთავარი არქიტექტორი, დირექტორის მოადგილე; 1992 წელს საქართველოს გამოფენების ცენტრის დირექტორი; 1996-2000 წლებში ქალაქ თბილისის მთავარი არქიტექტორი; 1986-2006 წლებში თბილისის სახელმწიფო სამხატვრო აკადემიის არქიტექტურის ფაკულტეტის პედაგოგი. საქართველოს არქიტექტორთა კავშირში კოლეგებთან ერთად 1977 წელს დააფუძნა მოთხილამურე არქიტექტორთა საერთაშორისო კლუბი - SKIA. 2017-2021 წლებში იყო საქართველოს არქიტექტორთა კავშირის გამგეობის წევრი. გამოფენები: საქართველოს მიღწევათა გამოფენა, საბჭოთა საქართველოს 50 წლისთავთან დაკავშირებით, სოფლის მეურნეობის პავილიონი(1971), საქართველოს დღეები მოსკოვის საერთაშორისო სავაჭრო ცენტრ "ინტერკომტინენტალში (1987), საერთაშორისო საშენ მასალათა, საქართველოს განყოფილება, პარიზი(1977), "ისტორიული ქალაქების აღდგენა-რეკონსტრუქცია" საქართველოს განყოფილება, ქ. უდინე, იტალია. საქართველოს პედაგოგიურ მეცნიერებათა აკადემიის წევრ-კორესპონდენტი და 2000 წლიდან აკადემიკოსი. საქართველოს დამსახურებული არქიტექტორი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 27

• საქართველოს არქიტექტორთა კავშირი, წევრი (1994-2021)
• საქართველოს დიზაინერთა კავშირი, წევრი (1994-)
• საქართველოს მხატვართა კავშირი, წევრი (1994-)
• საქართველოს პედაგოგიურ მეცნიერებათა აკადემია, წევრ-კორესპონდენტი (1998-)