შალვა აფაქიძე

დაბადების ადგილი: ქ. თბილისი.

1927 წლიდან მუშაობდა კინოში. გადაღებული აქვს შემდეგი დოკუმენტური ფილმები: "მეღორეობა"(1929), "საკოლმეურნეო მშენებლობა"(1930), "საქართველოს მეცხვარეობა"(1930), "თბილისის მაუდის ფაბრიკა"(1930), "ივერია"(1931), "თბილისი"(1935), "ერთი დღე ბათუმში"(1936), "საბჭოთა საქართველო"(1936). არის დამდგმელი ოპერატორი ქართული მხატვრული ფილმებისა: "უჟმური"(1934), "არშაულა"(1935), "დარიკო"(1936), "მეგობრობა"(1940). 1941 წლიდან მუშაობდა მოსკოვში მხატვრული ფილმების წარმოების მთავარი სამმართველოს უფროსის მოადგილედ, "სოვექსპორტფილმის" მმართველის მოადგილედ, გერმანია–საბჭოთა კავშირის კინოსააქციო საზოგადოების სამმართველოს თავმჯდომარედ. 1950 წლიდან საქართველოში დაბრუნდა. მიღებული აქვს სახელმწიფო ჯილდოები. კინოოპერატორი.

წყარო: საქართველო: ენციკლოპედია: ტ.I.–თბ., 1997.–გვ.246

• 1967 - საქართველოს ხელოვნების დამსახურებული მოღვაწე