გევორქ ასატური

დაბადების ადგილი: ქ. თბილისი.

XIX საუკუნის 80–90–იან წლებში სწავლობდა თბილისში, შემდეგ პეტერბურგის უნივერსიტეტში შეისწავლა სპარსული ენა და ლიტერატურა.

განსაკუთრებული დამსახურება მიუძღვის ქართველი კლასიკოსი მწერლების სომხურ ენაზე თარგმანში. 1931 წელს გამოსცა ქართული პოეზიის ანთოლოგია, რომელიც შეიცავს მის მიერვე თარგმნილ ქართველ მწერალთა ნაწარმოებებს და ქართული ხალხური პოეზიის ნიმუშებს. 1934–1936 წლებში გევორქ ასატურმა  სომხურად თარგმნა "ვეფხისტყაოსნის" სრული ტექსტი(გამოქვეყნდა 1937 წელს, მთარგმნელის გარდაცვალების შემდეგ), აგრეთვე ნაწყვეტები ფირდოუსის "შაჰ-ნამედან". მან პირველმა მიაქცია ყურადღება პეტერბურგის მუზეუმში დაცულ ხელნაწერს, სადაც თავმოყრილი იყო საიათნოვას ქართული ლექსები. 1922 წელს გამოაქვეყნა ერევნის სახელმწიფო მუზეუმში დაცული საიათნოვას ხელნაწერის აღწერა. დიდი ღვაწლი მიუძღვის ერევნის სახელმწიფო უნივერსიტეტში ქართველოლოგიის კაბინეტის შექმნაში. გევორქ ასატური აქტიურად უწყობდა ხელს სომხეთში ქართველოლოგიის განვითარებას.

წყარო: საქართველო: ენციკლოპედია: ტ.I.–თბ., 1997.–გვ.227