ასან-მირზა

ასან–მირზა(როსტომი) იყო კახეთის მეფის დავით II–ის(იმამ ყული ხანის) მესამე ვაჟი. სპარსული ორიენტაციის მომხრე. მხარს უჭერდა თავის ძმას ალექსანდრე ბატონიშვილს(ალი–მირზა). თეიმურაზ II–ის და ერეკლე II–ის წინააღმდეგ ბრძოლაში. ალექსანდრეს დაღუპვის შემდეგ ასან–მირზა მეფეთა მიმართ ლოიალურ პოლიტიკას დაადგა. შემდგომში ადილ–შაჰმა ირანში გაიწვია და შაჰის გვარდიის ქართული რაზმების მეთაურად დანიშნა. 1748 წელს, სპარსეთში არეულობის დროს, გივი ამილახვრის დახმარებით თავისი რაზმებით საქართველოში დაბრუნდა. მონაწილეობდა თეიმურაზ II–ის და ერეკლე II–ის საგარეო ომებში. გარდაიცვალა ყარაბაღზე ლაშქრობაში.

წყარო: საქართველო: ენციკლოპედია: ტ.I.–თბ., 1997.–გვ.227