ნოდარ ასათიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1954 წელს.

1957 წლიდან მუშაობდა თბილისის სახელმწიფო უნივერსიტეტში. 1959 წლიდან კითხულობდა ლექციებს. 1976–1987წწ. არჩეული იყო თბილისის სახელმწიფო უნივერსიტეტის ისტორიის ფაკულტეტის დეკანად. მისი ხელმძღვანელობით ისტორიის ფაკულტეტზე შემუშავებულ იქნა ახალი სასწავლო პროგრამა ქართველოლოგიური საგნების სწავლებით. 1988–1992წწ. იყო ქართული ენციკლოპედიის საქართველოს ისტორიის სამეცნიერო რედაქციის გამგე, 1993 წლიდან კონსულტანტი. 1991 წელს აირჩიეს თბილისის ილია ჭავჭავაძის სახელობის უცხო ენათა სახელმწიფო პედაგოგიური ინსტიტუტის საქართველოს ისტორიისა და ქვეყანათმცოდნეობის კათედრის გამგედ. იგი იკვლევდა ფეოდალური საქართველოს სოციალური, ეკონომიკური და პოლიტიკური ისტორიის საკითხებს, საქართველოს საგარეო–პოლიტიკურ ურთიერთობებს, მონაწილეობდა საქართველოს ისტორიის საუნივერსიტეტო სახელმძღვანელოს მომზადებაში. იყო რამდენიმე სამეცნიერო საბჭოს და სარედაქციო კოლეგიის წევრი. პროფესორი (1986). ისტორიის მეცნიერებათა დოქტორი (1989). 

წყარო: საქართველო: ენციკლოპედია: ტ.I.–თბ., 1997.–გვ.226;  წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.323

• 2000 - ღირსების ორდენი
• ივანე ჯავახიშვილის სახელობის მედალი

• საქართველოს ისტორია (ავტორი). - თბილისი, ცისარტყელა, 2004. - 176გვ.
• საქართველოს ისტორია უძველესი დროიდან XIX საუკუნემდე : სახელმძღვ. საშ. სკოლის ისტორიის მასწ. (ავტორი). - თბილისი, განათლება, 2001. - 392გვ.
• საქართველოს ისტორია : მე-9 კლასის სახელმძღვ. (ავტორი). - თბილისი, განათლება, 1995. - 144გვ.
• გზა გამოხსნა - აღდგომისაკენ (ავტორი). - თბილისი, განათლება, 1983. - 150გვ.