ლევან ასათიანი

დაბადების ადგილი: ქ. თბილისი.

დაამთავრა მოსკოვის უნივერსიტეტის იურიდიული ფაკულტეტის ეკონომიკური განყოფილება 1911 წელს.

1922 წლამდე იურისტად მუშაობდა თბილისსა და მოსკოვში. 1942 წლიდან ეწეოდა პედაგოგიურ მოღვაწეობას. თბილისის სახელმწიფო უნივერსიტეტსა და საქართველოს პოლიტექნიკურ უნივერსიტეტში კითხულობდა ლექციების კურსს ეკონომიკაში. ეკონომიკის მიმართულებით მუშაობდა სხვადასხვა სამეურნეო ორგანიზაციაში. თბილისის სახელმწიფო უნივერსიტეტში დააარსა და ხელმძღვანელობდა ეკონომიკური ინფორმაციის მექანიზებული დამუშავების კათედრას. მისი სამეცნიერო შრომები ეხება ეკონომიკური ინფორმაციის მანქანური დამუშავების საკითხებს. არის სახელმძღვანელოების და ოთხი გამოგონების ავტორი. პროფესორი(1961).

წყარო: საქართველო: ენციკლოპედია: ტ.I.–თბ., 1997.–გვ.226

• 1967 - საქართველოს მეცნიერებათა დამსახურებული მოღვაწე
• სპეციალური პრემია, მოწყობილობის საანგარიშო გამოთვლებისათვის(გამოგონება)

• გამოთვლით სამუშაოთა მექანიზაციისა პროგრამირების საფუძვლები : დამხმ. სახელმძღვ. სტუდენტებისათვის (თანაავტორი). - თბილისი, თბილ. უნ-ტის გამ-ბა,, 1968. - 280გვ.
• გამოთვლითი სამუშაოების მექანიზაცია : სახელმძღვ. თბილ. უნ-ტის ეკონ. სტუდენტებისათვის (ავტორი) // ნაწ. 1. - თბილისი, განათლება, 1965. - 175გვ.
• არითმოცხრილები = Арифмотаблицы (ავტორი). - ტფილისი, სახელგამის გა-მა, 1933. - 402გვ.