გურამ ასათიანი

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1950 წელს.

1954–1958 წწ. იყო თბილისის სახელმწიფო უნივერსიტეტის დიალექტიკისა და ისტორიული მატერიალიზმის კათედრის უფროსი მასწავლებელი, დოცენტი (1958–1969), თბილისის სახელმწიფო უნივერსიტეტის ეთიკისა და მეცნიერული ათეიზმის კათედრის გამგე (1979–1986), მარქსიზმ–ლენინიზმის უნივერსიტეტის ფილოსოფიის კათედრის გამგე (1975–1980). 1976 წლიდან იყო ქართული ენციკლოპედიის ფილოსოფიისა და ფსიქოლოგიის ჯგუფის ხელმძღვანელი. ძირითადად იკვლევდა საზოგადოების სოციალური სტრუქტურისა და პოლიტიკური ორგანიზაციის განვითარებას, ეთიკურისა და პოლიტიკურის სინთეზის კანონზომიერებებს, თანამედროვე დასავლურ სოციოლოგიას. ფილოსოფიის მეცნიერებათა დოქტორი (1968). პროფესორი (1971).

წყარო: საქართველო: ენციკლოპედია: ტ.I.–თბ., 1997.–გვ.224; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.132

• 2000 - ღირსების ორდენი

• დასავლური პოლიტიკურ-ფილოსოფიური მოძღვრებების ისტორია : ნარკვევები (ავტორი). - თბილისი, თბილ. უნ-ტის გამ-ბა, 2003. - 311გვ.
• თანამედროვე ბურჟუაზიული სოციოლოგია : ძირითად მიმდინარეობათა კრიტიკული ანალიზი (ავტორი). - თბილისი, თბილ. უნ-ტის გამ-ბა, 1987. - 350გვ.
• საზოგადოების სოციალური სტრუქტურა. - თბილისი, საბჭ. საქართველო, 1969. - 174გვ.
• თანამედროვე დასავლეთ-გერმანული პოლიტიკური ფილოსოფია : კრიტიკული ანალიზი (ავტორი). - თბილისი, საბჭ. საქართველო, 1966. - 115გვ.