ფელიქს ალბოროვი

დაბადების ადგილი: ქ. ცხინვალი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1963 წელს.

1961–1962წწ. იყო სამხრეთ–ოსეთის სიმღერისა და ცეკვის სახელმწიფო ანსამბლ "სიმდის" სამხატვრო ხელმძღვანელი; 1963–1969წწ. მუსიკალური სკოლის დირექტორი; 1969–1979წწ. მისივე დაარსებული მუსიკალური სასწავლებლის დირექტორი (ქ. ცხინვალი); 1975–1978წწ. სამხრეთ–ოსეთის საოლქო–აღმასრულებელი კომიტეტის კულტურის განყოფილების გამგე; 1979 წლიდან საქართველოს მეცნიერებათა აკადემიის სამხრეთ ოსეთის სამეცნიერო კვლევითი ინსტიტუტის მეცნიერ თანამშრომელი; 1990 წლიდან ჩრდილო-ოსეთის ჰუმანიტარულ და სოციალურ კვლევათა ინსტიტუტის უფროსი მეცნიერ თანამშრომელი; 1998-2005წწ. ჩრდილო-ოსეთის სახელმწიფო აკადემიური ანსამბლ "ალანის" მუსიკალური ხელმძღვანელი. შექმნილი აქვს: სიმფონიური ნაწარმოებები – კონცერტი ფორტეპიანოსა და სიმფონიური ორკესტრისათვის (1963), სიუიტა სიმფონიური ორკესტრისათვის (1971); კამერულ–ინსტრუმენტული ნაწარმოებები – "სკერცო" სიმებიანი კვარტეტისათვის (1959), "არია" ვიოლონჩელოსათვის (1961), "პრელუდი" ფორტეპიანოსათვის (1961), ვარიაციები ფორტეპიანოსათვის (1965, 1969), "ექსპრომტი" ფორტეპიანოსათვის (1970), ცეკვა–ტოკატა ფორტეპიანოსატვის (1974); კამერულ–ვოკალური ნაწარმოებები – რომანსები და სიმღერები მაღალი ხმისა და ფორტეპიანოსათვის; საგუნდო ნაწარმოებები – "ლირიული დუეტი" სოლისტის, გუნდისა და ორკესტრისათვის (1961), "ლირიული" სიმღერა სოლისტის გუნდისა და ორკესტრისათვის (1962); მუსიკა კინოფილმებისა და სპექტაკლებისათვის.

წყარო: Композиторы и музыковеды грузии. – тб., 1984. – გვ. 13; ქართული მუსიკის ენციკლოპედიური ლექსიკონი. – თბ., 2015. – გვ. 19

• საბჭოთა კავშირის კომპოზიტორთა კავშირი, წევრი (1978-19??)
• საქართველოს კომპოზიტორთა კავშირი, წევრი

• 1982 - საქართველოს ხელოვნების დამსახურებული მოღვაწე
• ჩრდილოეთ ოსეთის რესპუბლიკის დამსახურებული მოღვაწე
• კოსტა ხეთაგუროვის სახელობის პრემია