გიორგი არჯევანიძე

დაბადების ადგილი: ქ. სიღნაღი.

დაამთავრა პეტროვსკ-პოლტავის სამხედრო გიმნაზია.

1881 წლიდან იყო რუსეთის იმპერიის სამხედრო სამსახურში. 1905 წლის აგვისტოდან მონაწილეობდა რუსეთ-იაპონიის ომში. I მსოფლიო ომის დროს (1914–1918) თავი გამოიჩინა კავკასიის ფრონტზე. მონაწილეობდა არზრუმის ციხე–სიმაგრის აღებაში, ხელმძღვანელობდა კუპდაღის გადასასვლელისათვის ბრძოლას. 1918-1921წწ. მსახურობდა საქართველოს არმიაში. საქართველოს გასაბჭოების შემდეგ იგი წითელ არმიაში შევიდა. 1921 წელს იყო ქართული წითელი არმიის სარდლის განსაკუთრებულ დავალებათა შემსრულებელი, 1922 წლის მაისიდან კი ქართული გაერთიანებული სამხედრო სკოლის, ხოლო 1927 წლის სექტემბრიდან ამიერკავკასიის ქვეითთა სკოლის პედაგოგი. 1928 წლის იანვრიდან გავიდა თადარიგში. პერსონალური პენსიონერი. პოლკოვნიკი (1910). გენერალ-მაიორი (1916).

წყარო: საქართველო: ენციკლოპედია: ტ.I.–თბ., 1997.–გვ.222

• ქართველთა შორის წერა–კითხვის გამავრცელებელი საზოგადოება, წევრი (1910-)

• 1916 - წმინდა გიორგის IV ხარისხის ორდენი
• 1909 - წმინდა ანას II ხარისხის ორდენი
• 1906 - წმინდა სტანისლავის II ხარისხის ორდენი