ალექსანდრე ასათიანი

დაბადების ადგილი: სოფელი ბარდნალა, ცაგერის რაიონი(ყოფილი ლეჩხუმის მაზრა).

დაამთავრა ქუთაისის რეალური სასწავლებელი 1907 წელს; სწავლობდა მოსკოვის კომერციული ინსტიტუტის ეკონომიკურ ფაკულტეტზე; 1914 წელს დაამთავრა პეტერბურგის უნივერსიტეტის იურიდიული ფაკულტეტი.

1904–1905წწ. მონაწილეობდა ლეჩხუმისა და სვანეთის რევოლუციურ მოძრაობაში. 1914 წელს საქართველოში დაბრუნდა. იყო ნაფიცი ვექილის თანაშემწე. 1916 წელს მონაწილეობდა ეროვნულ–დემოკრატიული პარტიის შექმნაში. 1917 წლის ივნისში ეროვნულ–დემოკრატიული პარტიის დამფუძნებელ ყრილობაზე იყო ერთ–ერთი ძირითადი მომხსენებელი აგრარულ საკითხთან დაკავშირებით. 1921 წელს საქართველოში საბჭოთა ხელისუფლების დამყარების შემდეგ იბრძოდა საქართველოს დამოუკიდებლობის აღდგენისათვის. ეწეოდა აქტიურ პოლიტიკურ მოღვაწეობას. 1926 წელს გიორგი გვაზავასთან და სხვებთან ერთად დააფუძნა "პრომეთეისტული" მოძრაობა. 1924-1926წწ. იყო სტამბულში დაარსებული "კავკასიის დამოუკიდებლობის კომიტეტის" წევრი. ინტენსიურად თანამშრომლობდა ემიგრანტულ პრესასთან("ივერია", "სამშობლოსათვის") და ორგანიზაციებთან. 1929-1939წწ. საფრანგეთში, თავად გამოსცემდა ეროვნულ–დემოკრატიული პარტიის ბეჭვდით ორგანოს–"სამშობლოს". მეორე მსოფლიო ომის შემდეგ ოთხი წლით ესპანეთში გადავიდა, შემდეგ ისევ პარიზში დაბრუნდა. ეწეოდა მეცნიერულ მუშაობას. პოლიტიკური და საზოგადო მოღვაწე. გარდაიცვალა მიუნხენში.

წყარო: საქართველო: ენციკლოპედია: ტ.I.–თბ., 1997.–გვ.223

• ეროვნულ–დემოკრატიული პარტიის დამფუძნებელი ყრილობის მთავარი კომიტეტი, თავმჯდომარის მოადგილე
• საქართველოს დამფუძნებელი კრება, წევრი(ეროვნულ–დემოკრატიული პარტია)

• ძველი და ახალი მემკვიდრეობა (ავტორი). - პარიზი, "საქართველო" ვალენტინეი, 1928. - 227გვ.
• მიწის საკითხი საქართველოში : მოხსენება საქართვ. ეროვნ. დემოკრატ. პარტიის დამფუძნ. ყრილობაზე წაკითხული 1918 წ. ივნისში(საქ. სააგრარო კანონის მასალად) (ავტორი). - თბილისი, სტ. "ხელოვნება", 1919. - 80გვ.