ბედან დადიანი

XIII საუკუნის შუა წლებში იყო ოდიშის ერისთავი; მხარში ედგა ცენტრალურ ხელისუფლებას მონღოლთა წინააღმდეგ ბრძოლაში; მონაწილეობდა კოხტასთავის შეთქმულებაში; 1259-1261წწ. დავით VI ნარინს ეხმარებოდა მონღოლთა წინააღმდეგ და დასავლეთ საქართველოში მეფის ხელისუფლების განმტკიცებისათვის ბრძოლაში; ჰქონდა დავით VI–ის სამეფო კარის მანდატურთუხუცესის ტიტული; ამ წოდებით მოხსენიებულია ის მარტვილისა და ხობის ხატების წარწერებში.

წყარო: საქართველო: ენციკლოპედია: ტ.2. – თბ., 2012. – გვ.251