იოსებ დადიანი

დაბადების ადგილი: ქ. სენაკი.

დაამთავრა პეტერბურგის სამთო ინსტიტუტი 1886 წელს.

1886 წლიდან ეწეოდა აქტიურ სამწერლო და საზოგადო–პოლიტიკურ მოღვაწეობას; მუშაობდა ბაქოში ნობელების ნავთობ–გადამამუშავებელი ფირმის ინჟინრად; იყო ბაქოს ქართული სათვისტომოს ერთ–ერთი ხელმძღვანელი; 1917 წელს დაბრუნდა სამშობლოში; ბოლშევიკური რუსეთის მიერ საქართველოს ანექსიის(1921 თებერვალი–მარტი) შემდეგ იგი იყო პოლიტიკური ემიგრანტი(ცხოვრობდა პარიზში) და აქტიურად იღწვოდა საქართველოს განთავისუფლებისათვის; 1924 წელს პარიზში მისი აქტიური მონაწილეობით დაარსდა ქართული ეროვნული პოლიტიკიური ორგანიზაცია "თეთრი გიორგი"; თანამშრომლობდა ქართულ ემიგრანტულ პრესასთან; პოლიტიკური და საზოგადო მოღვაწე.

წყარო: საქართველო: ენციკლოპედია: ტ.2. – თბ., 2012. – გვ.252

• ანტიბოლშევიკ ერთა ბლოკი, წევრი
• საქართველოს დემოკრატიული რესპუბლიკის დამფუძვნებელი კრება, წევრი ეროვნულ–დემოკრატიული პარტიიდან (1919-1921)
• საქართველოს ეროვნული საბჭო, წევრი (1917-1919)
• საქართველოს ეროვნულ–დემოკრატიული პარტია, ერთ–ერთი დამაარსებელი (1917-)
• საქართველოს ეროვნულ–დემოკრატიული პარტიის საზღვარგარეთის ბიურო, ერთ–ერთი ხელმძღვანელი (1921-1937)
• საქართველოს სოციალ–ფედერალისტთა პარტია, წევრი, ერთ–ერთი დამფუძვნებელი (1901-)