თენგიზ დავარაშვილი

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1978 წელს.

1978–1980წწ. იყო კლინიკური და ექსპერიმენტული თერაპიის ინსტიტუტის კლინიკური ორდინატორი; 1981–1992წწ. მეცნიერ–თანამშრომელი; 1992 წლიდან ლონდონის სამეფო ჰოსპიტლის კარდიოლოგია. ავტორია 69 სამეცნიერო ნაშრომის. გამოქვეყნებული აქვს ორი მონოგრაფია. ექიმი კარდიოლოგი, მედიცინის მეცნიერებათა დოქტორი, წამყვანი მეცნიერ–თანამშრომელი.

საკანდიდატო დისერტაციის თემა -  "ბავშვებისა და მოზრდილების გულის მარცხენა პარკუჭის მიტრალური სარქველის პროლაპსის კლინიკური და ფუნქციონალური მდგომარეობის სადიაგნოზო კრიტერიუმების შედარებითი შეფასება", დაიცვა 1983 წელს.

სადოქტორო დისერტაციის თემა - "გულშიდა სისხლის მიმოქცევა ნორმაში და გულის ზოგიერთი დაავადების დროს (დოპლერექოგრაფიის მონაცემებით)", დაიცვა 1991 წელს.

 წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.85

• დიდი ბრიტანეთის კარდიოლოგიის საზოგადოება, წევრი (1996-)
• თბილისის კარდიოლოგიის საზოგადოება, მდივანი

• 1986 - საკავშირო სამედიცინო აკადემიის მიასნიკოვის პრემიის ლაურეატი