არსენი

არსენი იყო XII საუკუნის ქართველი კალიგრაფი. მისი გადაწერილია ოთხთავი, რომელიც ნაწერია კალიგრაფიული ნუსხურით, მუქი ყავისფერი მელნით, ორ სვეტად. სვეტების კამარები და თავსამკაულები, ადამიანის სტილიზებული ფიგურებისა და მცენარეული მოტივებისაგან შედგენილი ფერადი საზედაო ასოები, დეკორატიულობის მნიშვნელობის ზრდასა და განვითარებაზე მიუთითებს. გარდა ამისა, სახარებას ამკობს ორი მინიატურა(მჯდომარე ლუკა მახარებელი და იოანე, რომელიც პროხორეს უკარნახებს), რომელიც მაშინდელი ქართული მხატვრობის საუკეთესო ნიმუშთა რიგს შეიძლება მიეკუთვნოს, მაგრამ ავტორის ვინაობა დაუდგენელია.

 წყარო: საქართველო: ენციკლოპედია: ტ.I.–თბ., 1997.–გვ.206