არსენი

არსენი იყო XIV საუკუნის ქართველი მხატვარი. 1381 წელს მოხატა ჭულის ეკლესია. გუმბათში გამოსახულია ამაღლება, გუმბათის ყელზე–მოციქულთა ზიარება და წმინდა მამათა და დიაკონთა ფიგურები. საკუთრივ ნაოსის კედლებზე–სახარების სცენები, განკითხვის დღე და წმინდა გიორგის ცხოვრების ამსახველი სიუჟეტები. სამხრეთის კედელზე კი სამცხის ათაბაგების–ჯაყელების პორტრეტებია. არსენის ნამუშევარი ამ პერიოდის ქართულ ფრესკებთან შედარებით დაბალი დონისაა.

 წყარო: საქართველო: ენციკლოპედია: ტ.I.–თბ., 1997.–გვ.206