კონსტანტინე დადიანი

დაბადების ადგილი: ქ. ზუგდიდი.

დაამთავრა პეტერბურგის პაჟთა კორპუსი 1839 წელს.

1842-1853წწ. მონაწილეობდა კავკასიის ომებში, ძირითადად ჩაჩნეთში; ყირიმის ომის (1853-1856) დროს მეთაურობდა კავკასიის ფრონტზე ოსმალთა წინააღმდეგ მებრძოლ სამეგრელოს მილიციას; 1854 წელს სოფელ კოკთან (ახლანდელი ზუგდიდის მუნიციპალიტეტი) ბრძოლაში მოიგერია ოსმალთა კორპუსის შეტევა; ყარსის აღების შემდეგ იგი თავისი მილიციით გურიის რაზმის შემადგენლობაში შევიდა და წარმატებით იბრძოდა ოსმალთა წინააღმდეგ; 1858 წლიდან იყო ალექსანდრე II-ის ფლიგელ-ადიუტანტი. 1866 წლიდან გენერალ-მაიორი; რუსეთ-ოსმალეთის ომის (1877-1878) დროს იყო მოქმედ არმიაში კავკასიაში შავი ზღვის სანაპიროზე; ამ ომის შემდეგ მალე თადარიგში გავიდა. რუსეთის იმპერიის არმიის გენერალ–ლეიტენანტი (1887). კონსტანტინე (წიწა) ლევანის ძე დადიანი.

წყარო: საქართველო: ენციკლოპედია: ტ.2. – თბ., 2012. – გვ.252

• წმინდა ვლადიმირის ორდენი
• წმინდა სტანისლავის ორდენი
• წმინდა ალექსანდრე ნეველის ორდენი
• წმინდა ანას ორდენი
• თეთრი არწივის ორდენი
• წმინდა გიორგის ორდენი