დევი დევდარიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1976 წელს.

1977–1981წწ. იყო რუსთავის სასწრაფო სამედიცინო დახმარების ექიმი–პედიატრი; 1981–1983წწ. რუსთავის ქალაქის საავადმყოფოს მთავარი ექიმის მოადგილე სასწრაფო სამედიცინო დახმარების დარგში; 1987–1988წწ. თბილისის ექიმთა დახელოვნების ინსტიტუტის პედიატრიის კათედრის უფროსი ლაბორანტი; 1988–1994წწ. ასისტენტი; 1994 წლიდან იყო თბილისის სამედიცინო აკადემიის პედიატრიის კათედრის დოცენტი და ამავე კათედრის პედიატრიული ფაკულტეტის დეკანი; ამავე დროს არის პედიატრიული ინტერნატურის დეკანი. თბილისის სამედიცინო აკადემიაში ნაყოფიერი მოღვაწეობისთვის მიღებული აქვს დიპლომი (1997). ავტორია 14 სამეცნიერო ნაშრომის, აქვს ერთი მონოგრაფია. პედიატრი, მედიცინის მეცნიერებათა კანდიდატი.

საკანდიდატო დისერტაციის თემა - "გრამუარყოფითი მიკრობებით გამოწვეული სეფსისის კლინიკო–იმუნოლოგიური პარალელები ახალშობილებსა და ადრეული ასაკის ბავშვებში", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.89

• საქართველოს ალერგოლოგთა ასოციაცია, წევრი (1996-)
• საქართველოს იმუნოლოგთა საზოგადოება, წევრი (1996-)
• საქართველოს პედიატრთა საზოგადოება, წევრი (1990-)