ნიკო დადიანი

დაბადების ადგილი: სოფელი ჭკადუაში, ზუგდიდის მუნიციპალიტეტი.

აქტიურად მონაწილეობდა სამეგრელოს სამთავროს გამგებლობის საქმეში; 1805 წელს მეთაურობდა რუსეთთან სამეგრელოს შეერთების საკითხზე რუსეთში წარგზავნილ დელეგაციას; აქტიურად იბრძოდა აფზახეთში რუსული ორიენტაციის მქონე საფარ–ბეგის დასამკვიდრებლად და ასლან–ბეგის დასამკვიდრებლად; 1810-1823წწ. იყო ლეჩხუმის სარდალ–მოურავი; მონაწილეობდა რუსეთ–ოსმალეთის (1806-1812, 1828-1829) და რუსეთ–ირანის (1826-1828) ომებში; 1810 წელს და 1819-1820წწ. ეხმარებოდა რუსეთის მთავრობას იმერეთის აჯანყებების ჩაქრობაში; წლების განმავლობაში ეკავა მსაჯულთუხუცესის (მდივანბეგთუხუცესი) თანამდებობა სამეგრელოს მთავრის კარზე; მას ეკუთვნის ისტორიული ნაშრომები: "ქართველთ ცხოვრება" (1823-1824), "დასტურლამა" (სამეგრელოს სამთავროს მართვა–გამგეობის განწესება), "მიმოსვლა ნიკოლაი დადიანოვისა" (დაწერილია რუსეთში, ჩვენამდე არ მოუღწევია) და რამდენიმე ლექსი; საზოგადო მოღვაწე, რუსეთის იმპერიის არმიის გენერალ–მაიორი (1804). ნიკოლოზ გიორგის ძე დადიანი, "დიდი ნიკო".

წყარო: საქართველო: ენციკლოპედია: ტ.2. – თბ., 2012. – გვ.253; nobility.pro

• სამეგრელოს უმაღლესი საგამგეო საბჭო, წევრი (1804-)

• წმინდა ალექსანდრე ნეველის ორდენი
• წმინდა ანას I ხარისხის ორდენი

• ქართველთ ცხოვრება (ავტორი). - თბილისი, საქ. სსრ მეცნ. აკად. გამ-ბა და სტ., 1962. - 283გვ.
• დასტურ-ლამა (ავტორი). - ტფილისი, ქართველთა ამხანაგობის გამოცემა, N41, 1897. - 40გვ.