სამსონ დადიანი

დაბადების ადგილი: სოფელი მუხური, ზუგდიდის რაიონი.

დაამთავრა პეტერბურგის უნივერსიტეტის იურიდიული ფაკულტეტი 1908 წელს.

მუშაობდა ბანკის იურისკონსულტად; 1918 წლის 26 მაისს საქართველოს ეროვნული საბჭოს საგანგებო სხდომაზე მან ხელი მოაწერა საქართველოს სახელმწიფოებრივი დამოუკიდებლობის აღდგენის აქტს; ანექსიის (1921, თებერვალი–მარტი) შემდეგ აქტიურად ჩაება ეროვნულ–განმანთავისუფლებელ მოძრაობაში; მონაწილეობდა 1924 წლის აჯანყებაში; XX საუკუნის 10–იანი წლებიდან იმდროინდელ პრესაში (გაზ. "ივერია", "სახალხო გაზეთი", "განათლება", "ზაკავკაზიე") იბეჭდებოდა მისი წერილები ქართული ლიტერატურისა და ხელოვნების საკითხებზე, მათგან აღსანიშნავია: "ვეფხისტყაოსნის ორიგინალობის შესახებ", "საზოგადოებრივი აზრი", "XIX საუკუნის სიტყვაკაზმულ მწერლობაში", "აკაკი – ცისა და მიწის შვილი", "ქართული თეატრი"; მას ეკუთვნის ასევე 1905 წლის რევოლუციისადმი მიძღვნილი "ჯვარედინ გზაზე" და ისტორიული დრამა "გიორგი სააკაძე"; ეროვნული ხასიათის წერილებს აქვეყნებდა ქართულ პერიოდულ პრესაში; ემსხვერპლა 1937 წლის რეპრესიებს. საზოგადო მოღვაწე.

წყარო: საქართველო: ენციკლოპედია: ტ.2. – თბ., 2012. – გვ.254; საქართველოს დამფუძნებელი კრება 1919. -თბ., 2016.-გვ.212; არქივი: archive.ge; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.789

• მემარჯვენე ფედერალისტთა არალეგალური ორგანიზაცია, წევრი (1921-1926)
• საქართველოს ანტისაბჭოებრივი ინტერპარტიული კომიტეტი (სოციალურ–ფედერალისტთა პარტიიდან), წევრი (1922-1924)
• საქართველოს დემოკრატიული რესპუბლიკის დამფუძვნებელი კრება, წევრი (1919-1921)
• საქართველოს სოციალურ–ფედერალისტთა პარტია, წევრი (1914-)
• ქართველთა შორის წერა–კითხვის გამავრცელებელი საზოგადოება, წევრი (1915-)

• როგორი რესპუბლიკა სჯობია ხალხისათვის : საქართველოს სოციალ.-ფედერალ. სარევ. პარტია. (ავტორი). - ტფილისი, ტფილ. კომიტეტის გამოც. N8, 1917. - 16გვ.