კობა ამირხანაშვილი

დაბადების ადგილი: ქ. მცხეთა.

დაამთავრა საქართველოს პოლიტექნიკური ინსტიტუტის საინჟინრო-ფიზიკური ფაკულტეტი, სპეციალობით-ნახევარგამტარები და დიელექტრიკები 1976 წელს; მოსკოვის ფიზიკო-ტექნიკური ინსტიტუტის ასპირანტურა 1984 წელს; დოქტორანტურა 1991 წელს.

1976-1978წწ. სპეციალური საკონსტრუქტორო ბიუროს ინჟინერი; 1978 წლიდან საქართველოს მეცნიერებათა აკადემიის პ. მელიქიშვილის სახელობის ფიზიკური და ორგანული ქიმიის ინსტიტუტის უმცროსი, უფროსი, წამყვანი და მთავარი მეცნიერ-თანამშრომელი, ლაბორატორიის გამგე; საქართველოში კომპიუტერული ქიმიის დამაარსებელი და 1978 წლიდან ამავე სახელწოდების ლაბორატორიის გამგე; 2006 წლიდან მეცნიერ-კონსულტანტი.1985 წლიდან ეწევა აქტიურ პედაგოგიურ საქმიანობას. სხვადასხვა დროს კითხულობდა ლექციებს ფიზიკური ქიმიისა და სპეცკურსებს მაგისტრანტებისათვის უმაღლეს სასწავლებლებში; 1995-1999წწ. საქართველოს მე-4 მოწვევის პარლამენტის წევრი, საარჩევნო ლოკი: საქართველოს მოქალაქეთა კავშირი, საარჩევნო ფორმა: პარტიული სიით; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: პარტიული სიით; 1998 წლიდან თბილისის სახელმწიფო უნივერსიტეტის პროფესორი. საქართველოში ერთ-ერთი პირველი არასამთავრობო ორგანიზაციის "დიაბეტიან ბავშვთა დაცვის ასოციაციის" დამაარსებელი და მისი პრეზიდენტი. 150-ზე მეტი სამეცნიერო ნაშრომისა და რამდენიმე მონოგრაფიის ავტორი. 2024 წელს არჩეულ იქნა საქართველოს მეცნიერებათა ეროვნული აკადემიის წევრად. ქიმიის მეცნიერებათა დოქტორი, პროფესორი.

სადოქტორო დისერტაციის თემა - "ქრომატოგრაფიული კვლევების ოპტიმიზაცია", დაიცვა 1995 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 15; დიაბეტიან ბავშვთა დაცვის ასოციაციის ვებ-გვერდი: dchpa.ge; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.-გვ. 65; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.84; საქართველოს მეცნიერებათა ეროვნული აკადემია: science.org.ge

• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის თავდაცვისა და უშიშროების კომიტეტი, წევრი (1995-1999)
• საქართველოს მე-4 მოწვევის პარლამენტის ფრაქცია "მოქალაქეთა კავშირი", ფრაქციის თავმჯდომარის მოადგილე (1995-1999)
• საქართველოს მე-4 მოწვევის პარლამენტის ჯანმრთელობის დაცვისა და სოციალურ საკითხთა კომიტეტი, წევრი (1995-1999)
• საქართველოს მე-5 მოწვევის პარლამენტი, საპარლამენტო უმრავლესობის ლიდერის მოადგილე (1999-2001)
• საქართველოს მე-5 მოწვევის პარლამენტი, წევრი (1999-2004)
• საქართველოს მე-5 მოწვევის პარლამენტის თავდაცვისა და უშიშროების კომიტეტი, წევრი (1999-2004)
• საქართველოს მე-5 მოწვევის პარლამენტის თავდაცვისა და უშიშროების კომიტეტის სამხედრო განათლების და ტექნოლოგიების ქვეკომიტეტი, ქვეკომიტეტის თავმჯდომარე (1999-2004)
• საქართველოს მე-5 მოწვევის პარლამენტის ფრაქცია "მრეწველები", წევრი (2001-2001)
• საქართველოს მე-5 მოწვევის პარლამენტის ფრაქცია "საქართველოს მოქალაქეთა კავშირი", წევრი (1999-2001)
• საქართველოს მე-5 მოწვევის პარლამენტის ჯანმრთელობის დაცვისა და სოციალურ საკითხთა კომიტეტი, წევრი (1999-2004)
• საქართველოს მეცნიერებათა ეროვნული აკადემია, წევრ-კორესპონდენტი (2024-)
• საქართველოს პარლამენტართა პალატა, თავმჯდომარე (2015-)

• 2001 - ღირსების ორდენი

• დიაბეტის მართვა (ავტორი). - თბილისი, 2018
• 25 წელი დიაბეტიანი ბავშვების სამსახურში (1991-2016) : მონოგრაფია (ავტორი). - თბილისი, 2016. - 112გვ.. - ISBN: 9789941093418
• საქართველოს პარლამენტის წევრები, 1990-2015 (ავტორი). - თბილისი, 2015. - 430გვ.. - ISBN: 9789941081422
• ქრომატოგრაფიის საწყისები : მონოგრაფია (თანაავტორი). - თბილისი, "ბეჭდვითი სიტყვის კომბინატი", 2006. - 260გვ.. - ISBN: 99940-728-1-1
• ქრომატოგრაფიული პროცესების ოპტიმიზაცია(რუსულ ენაზე) (ავტორი). - თბილისი, უნივერსალი, 2004. - ISBN: 99940-32-14-3
• ბიოორგანულ ნაერთთა კვლევის მეთოდები (თანაავტორი). - თბილისი, უნივერსალი, 2003. - 154გვ.. - ISBN: 99928-976-3-5
• დიაბეტიანი ბავშვები საქართველოში (ავტორი). - თბილისი, დიაბეტიან ბავშვთა დაცვის ასოციაცია, 2000. - 27გვ.