სიმონ დადიანი

დაბადების ადგილი: სოფელი წირქოლი, ჭიათურის რაიონი.

სამხატვრო განათლება მიიღო თავდაპირველად პარიზში, შემდეგ სან–ფრანცისკოში.

მონაწილეობდა II მსოფლიო ომში; შემოქმედების პირველ პერიოდში მუშაობდა როგორც რეალისტი მხატვარი; განსაკუთრებული აღიარება ხვდა წილად მის აბსტრაქტულ ქანდაკებას "შავი ტორსი" ( ნიუ–იორკი, 1952); მისი ნამუშევრები ხშირად იყო ექსპონირებული ამერიკის ქალაქების გამოფენებზე; სხვა ნამუშევართაგან აღსანიშნავია: ქანდაკებიდან – "ტორსი" (1953), "მჯდომარე ქალი" (1953), ფერწერიდან – "ადამი და ევა" (1955), გრაფიკიდან – "ლურჯწვერა" (1952), "გუთური ნანგრევები" (1956); მისი ძირითადი ნამუშევრები ინახება პარიზში, მხატვრის დის, ქეთევან დადიანის ოჯახში. ფერმწერი, გრაფიკოსი.

წყარო: საქართველო: ენციკლოპედია: ტ.2. – თბ., 2012. – გვ.254; nobility.pro; არტინფო: artinfo.ge