სოფიო დადიანი

ალექსანდრე ბატონიშვილის ასული; არჩილ II-ის შვილიშვილი; ცხოვრობდა მოსკოვში ქართულ კოლონიაში; 1715 წელს ცოლად გაჰყვა სამეგრელოს მთავრის ლევან IV–ის ვაჟს გიორგი (ეგორ) დადიანს; მან მეუღლესთან ერთად აღზარდა გამოჩენილი რუსი არქიტექტორი პ. ე. ეგოროვი; 1740 წელს მემკვიდრეობით მიიღო მამიდამისის, დარეჯანის საკუთრებაში არსებული სოფლებისა და ვოტჩინების წილი ნიჟეგოროდის გუბერნიაში (ვახტანგ IV–ის ვაჟებთან, ბაქარ და გიორგი ბატონიშვილებთან თანაზიარობით); ამ ფაქტით საბოლოოდ გაერთიანდა არჩილ II–ისა და ვახტანგ VI–ის დროინდელი მოსკოვის ორი ქართული ახალშენი (ვსეხსვიატსკოე და პრესნია).

წყარო: საქართველო: ენციკლოპედია: ტ.2. – თბ., 2012. – გვ.254