ქეთევან დადიანი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1937 წელს.

1944-1955წწ. მუშაობდა საქართველოს მეცნიერებათა აკადემიის ეკონომიკის ინსტიტუტში სხვადასხვა თანამდებობაზე; 1970-1989წწ. ხელმძღვანელობდა საქართველოს სსრ სახელმწიფო საგეგმო კომიტეტთან არსებული სახალხო მეურნეობის ეკონომიკურ და დაგეგმვის სამეცნიერო–კვლევითი ინსტიტუტის სხვადასხვა განყოფილებას; 1950-1970წწ. სამეცნიერო მუშაობის პარალელურად ეწეოდა პედაგოგიურ საქმიანობას; მისი ხელმძღვანელობით საქართველოში პირველად შემუშავდა რეგიონების – ავტონომიური რესპუბლიკის, ოლქის, ქალაქის, რაიონის მეურნეობის კომპლექსური განვითარების გეგმის შედგენის მეთოდიკა; იგი ითვლება საგარეო ეკონომიკური კავშირების კვლევის ერთ–ერთ პიონერად საქართველოში; ავტორია მრავალი სამეცნიერო ნაშრომის; ეკონომიკის მეცნიერებათა კანდიდატი(1948), ეკონომიკის დარგში სამეცნიერო ხარისხის მქონე პირველი ეკონომისტი ქალი საქართველოში.

წყარო: საქართველო: ენციკლოპედია: ტ.2. – თბ., 2012. – გვ.254

• თვითღირებულება ტყიბულისა და ტყვარჩელის ქვანახშირის მრეწველობაში : თეზისები და ანოტაცია (ავტორი). - თბილისი, საქ. სსრ მეცნ. აკად. გამ-ბა და სტ., 1948. - 12გვ.