გურამ ადამაშვილი

დაბადების ადგილი: ქ. თბილისი.

დაამთავრა თბილისის სახელმწიფო პოლიტექნიკური ინსტიტუტის საინჟინრო ფიზიკის ფაკულტეტი 1971 წელს.

1974-1980წწ. თბილისის სახელმწიფო უნივერსიტეტის უმცროსი, 1980-1986წწ. უფროსი მეცნიერ-თანამშრომელი; 1986 წლიდან ლაბორატორიის გამგე; 1976-1977წწ. პოლიტექნიკური ინსტიტუტის ზოგადი ფიზიკის კათედრის ასისტენტი; 1986-1997წწ. პროფესორი; 1997 წლიდან ფიზიკის დეპარტამენტის პროფეროსი; 1993-1995წწ. სახელმწიფოს მეთაურის მრჩეველი. პარლამენტის წევრი საქართველოს მოქალაქეთა კავშირის პარტიული სიით, საგარეო ურთიერთობათა კომიტეტის წევრი, პოლიტიკური გაერთიანება "ლიგა - პროგრესის" თავმჯდომარე; ფიზიკა-მათემატიკის მეცნიერებათა დოქტორი, პროფესორი, მრავალი სამეცნიერო ნაშრომის ავტორი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 3; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/ კობა ამირხანაშვილი.- თბ.-2015.-გვ.59

• ამერიკის მეცნიერების განვითარების ასოციაცია, წევრი (1997-)
• ამერიკულ-ქართული მეცნიერებათა აკადემია, პრეზიდენტი (1995-)
• თბილისის სახელმწიფო ტექნიკური უნივერსიტეტის ფიზიკის დეპარტამენტის სპეც. საბჭო, წევრი (1992-)
• კალიფორნიის მეცნიერებათა აკადემია, ნამდვილი წევრი (1995-)
• ნიუ-იორკის მეცნიერებათა აკადემია, ნამდვილი წევრი (1995-)
• საქართველოს მე-4 მოწვევის პარლამენტი, წევრი (1995-1999)