აბრაამი (მიტროპოლიტი)

დაბადების ადგილი: ქ. სოხუმი.

დაამთავრა თბილისის სახელმწიფო პედაგოგიური ინსტიტუტის ისტორიის ფაკულტეტი 1971 წელს, მცხეთის სასულიერო სემინარია 1988 წელს.

1973-1975წწ. იყო საქართველოს ფილარმონიის ინჟინერი; 1975-1977წწ. საბინაო-კომუნალური მეურნეობის სამინისტროს რესპუბლიკური კვლევითი ცენტრის სოციოლოგი; 1977 წლიდან სამეცნიერო ტექნიკური ინფორმაციის განყოფილების გამგე; 1988 წელს ბერად აღიკვეცა და აბრაამი ეწოდა; ამავე წლის მაისში მღვდელმონოზონის ხარისხში აიყვანეს; 1989-1990წწ. სწავლობდა რეგენსბურგის უნივერსიტეტში; 1992 წელს ეპისკოპოსად დაასხეს ხელი და 1996 წლამდე ნიკორწმინდის ეპარქიის ეპისკოპოსი იყო;  1993-2003წწ. თბილისის სასულიერო სემინარიისა და აკადემიის რექტორი; 1995-2002წწ. საქართველოს საპატრიარქოს საგარეო ურთიერთობების განყოფილების თავმჯდომარე; 1996-1998წწ. საგარეჯო-გურჯაანის ეპისკოპოსი; 1998 წელს მთავარეპისკოპოსი; 2000 წელს გადაყვანილ იქნა ჭიათურის მიტროპოლიტად; 2002 წლიდან დასავლეთ ევროპის მიტროპოლიტი. მიღებული აქვს კონსტანტინოპოლის, საქართველოს, რუსეთისა და რუმინეთის ეკლესიათა ჯილდოები. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 3; საქართველოს საპატრიარქო : patriarchate.ge