ლადო დონაძე

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტი 1931 წელს (იურიდიული), ვანო სარაჯიშვილის სახელობის თბილისის სახელმწიფო კონსერვატორია 1934 წელს (თეორიულ–საკომპოზიციო).

1932–1934წწ. ასწავლიდა მუსიკის ისტორიას თბილისის კონსერვატორიასთან არსებულ მუსიკალურ ათწლედსა და I სამუსიკო სასწავლებელში; 1937 წლიდან იყო პედაგოგი, 1955 წლიდან დოცენტი, 1958 წლიდან პროფესორი, 1937–1976წწ. ვ. სარაჯიშვილის სახელობის თბილისის სახელმწიფო კონსერვატორიის მუსიკის ისტორიის კათედრის ფუძემდებელი და გამგე; 1947–1956წწ. საქართველოს კომპოზიტორთა კავშირის მუსიკათმცოდნეობის სექციის თავმჯდომარე და საბჭოთა კავშირის კომპოზიტორთა კავშირის საერთაშორისო მუსიკათმცოდნეობის კომისიის ბიუროს წევრი; დაწერილი აქვს: წიგნები ("შალვა მშველიძე", "ზაქარია ფალიაშვილი", "ნარკვევები ქართული საბჭოთა მუსიკის ისტორიაზე"); ნაშრომები კრებულებად, სტატიები პერიოდულ გამოცემებში (ჟურნალები "საბჭოთა ხელოვნება", "მნათობი"). ხელოვნებათმცოდნეობის დოქტორი, მუსიკათმცოდნე.

საკანდიდატო დისერტაციის თემა – "ზ. ფალიაშვილი და მისი ოპერა "აბესალომ და ეთერი", დაიცვა 1953 წელს.

სადოქტორო დისერტაციის თემა – "ზ. ფალიაშვილის შემოქმედება", დაიცვა 1957 წელს.

 წყარო: Композиторы и музыковеды грузии. – тб., 1984. - გვ. 166

• საბჭოთა კავშირის კომპოზიტორთა კავშირი, წევრი (1934-1991)
• საქართველოს კომპოზიტორთა კავშირის გამგეობა, წევრი

• 1971 - ზაქარია ფალიაშვილის სახელობის პრემია
• 1958 - საქართველოს ხელოვნების დამსახურებული მოღვაწე

• ვიქტორ დოლიძის შემოქმედება (ავტორი). - თბილისი, ხელოვნება, 1991. - 32გვ.
• შალვა მშველიძე : მონოგრაფიული ნარკვევი (ავტორი). - თბილისი, 1946. - 62გვ.