სერგო ჟვანია

დაბადების ადგილი: ქ. წალენჯიხა.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1963 წელს.

1963–1966წწ. ასწავლიდა თბილისის პედაგოგიურ ინსტიტუტში მუსიკის თეორიის საგნებს; 1966–1977წწ. მუშაობდა საქართველოს სახელმწიფო ტელივიზიისა და რადიომაუწყებლობის ხმის რეჟისორად; 1971–1973წწ. წალენჯიხის სამუსიკო სკოლის პედაგოგი, 1977–1978წწ. ამავე სკოლის დირექტორი, 1973–1977წწ. თბილისის III სამუსიკო სასწავლებლის და 1978–1980წწ. ვ. სარაჯიშვილის სახელობის თბილისის სახელმწიფო კონსერვატორიასთან არსებული მუსიკალური ათწლედის პედაგოგი; 1980 წლიდან თბილისის კონსერვატორიის სამეცნიერო სტუდენტური საზოგადოების პასუხისმგებელი მდივანი; შეტანილია გინესის წიგნში – ფორტეპიანოს სარეკორდო ხანგრძლივობით(სამი დღე) დაკვრისათვის; მნიშვნელოვანი ნაწარმოებები: სიმფონიური ნაწარმოებები, კამერულ–ინსტრუმენტული(1964 – "თორმეტი საბავშვო ხასიათი" საფორტეპიანო ციკლი, 1975 – "პასტორალური ფანტაზია" ვიოლინოსა და ფორტეპიანოსათვის, 1976 – სონატა ფორტეპიანოსათვის), კამერულ–ვოკალური ნაწარმოებები, საგუნდო(1962 – "ელეგია" ა–კაპელა, 1964 – "ჩონგური" ა–კაპელა, 1968 – "მეტეხი" ა–კაპელა, 1978 – "შრომა და სამშობლო" კანტატა შერეული გუნდისა და ფორტეპიანოსათვის, ექვს ნაწილად); საესტრადო ნაწარმოებები, მუსიკა დრამატული სპექტაკლებისათვის, მუსიკა მხატვრული და ტელეფილმებისათვის.

წყარო: Композиторы и музыковеды грузии. – тб., 1984. - გვ. 169; ეროვნული ფილმოგრაფიის პორტალი: geocinema.ge

• საბჭოთა კავშირის კომპოზიტორთა კავშირი, წევრი (1978-1991)