გელა დონაძე

დაბადების ადგილი: სოფელი თლუღა, ამბროლაურის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1969 წელს.

1969–1971წწ. მუშაობდა ქ. ილოვაისკის (დონეცკის ოლქი, უკრაინის სსრ) რკინიგზის საავადმყოფოში; 1971–1973წწ. საბჭოთა არმიის რიგებში, პოლკის სამედიცინო მედ. პუნქტის გამგედ; 1974 წლიდან ენდოსკოპიური განყოფილების გამგე, ექიმი ენდოსკოპისტი; 1985–1987წწ. ხანგრძლივი მივლინებით იმყოფებოდა აფრიკაში (ეთიოპია). ავტორია 36 სამეცნიერო ნაშრომის. გამოქვეყნებული აქვს ერთი მონოგრაფია; მისი ხელმძღვანელობით განყოფილების ბაზაზე კვალიფიკაცია გაიარა 124 ექიმმა. მედიცინის მეცნიერებათა კანდიდატი, რესპუბლიკური ენდოსკოპიური სამსახურის ორგანიზაციულ–მეთოდური ცენტრის გამგე.

საკანდიდატო დისერტაციის თემა - "საყლაპავის, კუჭის და 12–გოჯა ნაწლავის მდგომარეობა დამწვრობით დაავადების დროს და მისი მკურნალობის ზოგიერთი ასპექტი".

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.94; Fund Hippocrates • ფონდი ჰიპოკრატე: facebook.com