იოსებ ჟორდანია

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1978 წელს(თეორიულ–საკომპოზიციო ფაკულტეტის ფოლკლორის განყოფილება).

1974 წლიდან იყო ვ. სარაჯიშვილის სახელობის თბილისის სახელმწიფო კონსერვატორის ფოლკლორის კათედრის პედაგოგი და უფროსი მეცნიერ თანამშრომელი; ავსტრალიურ–ქართული ეთნომუსიკათმცოდნე და ანთროპოლოგი; მელბურნის უნივერსიტეტთან არსებული კონსერვატორიის საპატიო წევრი; თბილისის კონსერვატორიასთან არსებული მრავალხმიანობის შემსწავლელი საერთაშორისო ცენტრის ერთერთი დამფუძნებელი; ანსამბლ "გორანის" დამფუძნებელი; დაწერილი აქვს: ნაშრომები კრებულებად, სამი წიგნი, მრავალი სტატია გამოქვეყნებული ინგლისურ, არაბულ, ბულგარულ, ქართულ, რუსულ ენებზე; მონაწილეობა მიიღო(როგორც მისი მამა, მინდია ჟორდანია) ხალხური მუსიკალური შემოქმედების შესახებ საკავშირო კომისიის მოღვაწეობაში; ცნობილია თავისი ორიგინალური კონცეფციით, საგუნდო სიმღერის წარმოშობა ადამიანის ევოლუციასთან კონტექსტში; 1995 წლიდან ცხოვრობს ავსტრალიაში, მჭიდრო პროფესიული კონტაქტი აქვს თანამემამულეებსა და კოლეგებთან საქართველოში, კერძოდ ფოლკლორის შესწავლის ცენტრთან; ხელოვნებათმცოდნეობის დოქტორი, მუსიკისმცოდნე - ფოლკლორისტის მინდია ჟორდანიას ვაჟიშვილი. მიღებული აქვს წლის საუკეთესო ეთნომუსიკოლოგის წოდება -  მსოფლიო ხალხური პოლიფონიის სისტემური ანალიზისთვის, ტრადიციული გუნდური სიმღერისა და ადამიანის ევოლუციის ფართო კონტექსტში კვლევის სფეროში წვლილისთვის;  ფუმიო კოიცუმის ჯილდო(2009, იაპონია).

საკანდიდატო დისერტაციის თემა - "მოდულაცია აღმოსავლეთ საქართველოს ბურდონულ სიმღერებში", დაიცვა 1982 წელს.

სადოქტორო დისერტაციის თემა - "ქართული ტრადიციული მარავალხმიანობა მრავალხმიან კულტურათა საერთაშორისო კონტექსტში", დაიცვა 1991 წელს კიევში.

წყარო: Композиторы и музыковеды грузии. – тб., 1984. - გვ. 174; ქართული მუსიკის ენციკლოპედიური ლექსიკონი. – თბ., 2015. – გვ. 396

• საბჭოთა კავშირის კომპოზიტორთა კავშირი, წევრი (1982-1991)