იცხაკ დავიდი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი 1969 წელს.

მუშაობდა თბილისის სახელმწიფო უნივერსიტეტის ი. ჯავახიშვილის სახელობის ისტორიის და ეთნოგრაფიის ინსტიტუტში მეცნიერ–მუშაკად; 1972 წელს წავიდა ისრაელში; 11 წელი იყო ისრაელის მთავრობის სპეციალური მრჩეველი კულტურისა და მეცნიერების დარგში; 1973-1974წწ. იერუსალიმის ებრაულ უნივერსიტეტში კითხულობდა სპეცკურსს კავკასიათმცოდნეობასა და ქართულ ენაში; 1975-1976წწ. მოაწყო ბ. გაპონოვის სახელობის კავკასიოლოგიური სამეცნიერო ცენტრისა და კავკასიიდან წასულ ებრაელთა გაერთიანების სამეცნიერო–კვლევითი ექსპედიცია იერუსალიმის ჯვრის მონასტერში; გამოდიოდა და გამოდის ლექციებითა და მოხსენებებით ინგლისის, აშშ-ს, რუსეთის, კავკასიის, შუა აზიის, იტალიის, ესპანეთის, ტაილანდის, ავსტრალიის, იაპონიის უნივერსიტეტებში და სააკადემიო კათედრებზე მოწვეული პროფესორის სტატუსით; ჩამოაყალიბა პოლიტიკური ორგანიზაცია "ისრაელის ეროვმნული მოძრაობა"; ეწევა ნაყოფიერ სამეცნიერო მოღვაწეობას; მისი კვლევის მთავარი თემაა ქართულ–ებრაულ, საქართველო–პალესტინის ურთიერთობის, მცირე აზიისა და კავკასიელ ებრაელთა ისტორიის შესწავლა–გაშუქება; ამ თემას მიუძღვნა ნაშრომი "კავკასიელ ებრაელთა ისტორია პალესტინაში"(1982, ებრაულ ენაზე); მისი საინტერესო გამოკვლევაა "ქართული პალესტინიანა" და ფუნდამენტური ნაშრომი "კავკასიის ებრაელთა ისტორია"(1989, ტ. 1-2, თელ–ავივი, რუსულ ენაზე); წერს ლექსებს ქართულ, რუსულ, ინგლისურ, ესპანურ, არაბულ, ებრაულ ენებზე; ქართულ პოეზიას შესძინა ორიგინალური ლექსთა კრებული; ამჟამად ცხოვროს აშშ–ში; ებრაელი მეცნიერი, პოეტი, საზოგადო მოღვაწე.

წყარო: საქართველო: ენციკლოპედია: ტ.2. – თბ., 2012. – გვ.260

• ბ. გაპონოვის სახელობის კავკასიოლოგიური სამეცნიერო ცენტრი, დამაარსებელი, თავმჯდომარე
• საქართველოდან წასულ ებრაელ მწერალთა კავშირი, წევრი
• საქართველოს მეცნიერებათა ეროვნული აკადემია, წევრი (1996-)

• 1999 - საქართველოს საპატიო მოქალაქე

• ლამაზი ქრისტიანი გოგო უფლის საფლავთან (ავტორი). - თელ-ავივი, კავკასიონი, 1993. - 314გვ.
• ლანდები : ლექსები (ავტორი). - ისრაელი, 1988. - 84კვ.
• ნაწერები (ავტორი) // ტ. 1.. - 1976. - 339 გვ.