ვახტანგ არეშიძე

დაბადების ადგილი: ქ. თბილისი.

დაამთავრა თბილისის პროლეტკულტის დრამატული სტუდია 1929 წელს.

1929–1936 წლებში მუშაობდა  თელავის, ჭიათურის და სოხუმის თეატრებში. 1936–1985 წლებში იყო თბილისის მოზარდ მაყურებელთა ქართული თეატრის წამყვანი მსახიობი. შესრულებული აქვს კომბლეს, ნიკოს (გ. ნახუცრიშვილის "კომბლე", "პატარა მეომრები"), ბაში-აჩუკის (ა. კაჭკაჭიშვილის "ბაში-აჩუკი"), კიკვიძის (ვ. დარასელის "კიკვიძე"), რომეოს (უ. შექსპირის "რომეო და ჯულიეტა"), ადვოკატ პატლენი (ფრანგული ხალხური პიესა "ადვოკატი პატლენი") და სხვ.

წყარო: საქართველო: ენციკლოპედია: ტ.I.–თბ., 1997.–გვ.194; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.197

• 1979 - საქართველოს სახალხო არტისტი
• 1946 - საქართველოს დამსახურებული არტისტი
• 1945 - მედალი "კავკასიის დაცვისთვის"