ქეთევან ედიგარაშვილი

დაბადების ადგილი: ქ. სიღნაღი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1947 წელს.

მუშაობდა დედათა და ბავშვთა დაცვის სამეცნიერო კვლევით ინსტიტუტში; ბავშვთა რესპუბლიკურ საავადმყოფოში; ი. ფაღავას სახელობის რესპუბლიკური პედიატრიის სამეცნიერო კვლევითი ინსტიტუტის ფსიქო–ნევროლოგიური განყოფილების უფროს მეცნიერ–თანამშრომლად. ავტორია 80 სამეცნიერო ნაშრომის, რომლებიც ეხება ბავშვთა ნევროლოგიის აქტუალურ საკითხებს. ბავშვთა ნევროპათოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "კლინიკისა და ზოგიერთი ელექტრო–ფიზიოლოგიური და ბიოქიმიური მაჩვენებლების საკითხისათვის პოლიომელიტის ნარჩენი მოვლენების მქონე ბავშვების კომპლექსური მკურნალობის დროს კურორტ ახტალაზე", დაიცვა 1975 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.97