ნოდარ ემუხვარი

დაბადების ადგილი: სოფელი შეშელეთი, გალის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1967 წელს.

1967–1970წწ. იყო ახალციხის ექიმი თერაპევტი; 1974–1983წწ. თბილისის სახელმწიფო სამედიცინო ინსტიტუტის ასპირანტი; 1974–1983წწ. სამკურნალო ფაკულტეტის საფაკულტეტო თერაპიის კათედრის ასისტენტი; 1984–1994წწ. დოცენტი; 1995 წლიდან – ამავე კათედრის გამგე და თბილისის სახელმწიფო სამედიცინო უნივერსიტეტის N1 კლინიკის დირექტორი. 1998 წლიდან არის თსსუ სამკურნალო ფაკულტეტის დეკანი და პრორექტორი სამკურნალო დარგში. გამოქვეყნებული აქვს 96 სამეცნიერო ნაშრომი კარდიოლოგიაში, მისი ხელმძღვანელობით დაცულია სამი საკანდიდატო დისერტაცია. კლინიკა ჰელსიკორის ერთ-ერთ დამფუძნებელს ნ. ემხვარს 2021 წელს, მედიცინის დარგში გაწეული ღვაწლისთვის "ოქროს სტეტოსკოპი გადაეცა". ექიმი – კარდიოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "ადრეული ეკგ ცვლილებები მწვავე კორონალური ნაკლოვანების დროს და სხვადასხვა ეკგ განხრების დიაგნოსტიკური მნიშვნელობა მიოკარდიუმის ინფარქტის დიაგნოსტიკაში", დაიცვა 1974 წელს; სადოქტორო დისერტაციის თემა - "საყლაპავიდან ელექტროფიზიოლოგიური გამოკვლევის შესაძლებლობანი გულის სხვადასხვა პათოლოგიის დიაგნოსტიკასა და მკურნალობაში", დაიცვა 1985 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.98; ქართული სამედიცინო პორტალი: vidal.ge; ისრაელ-საქართველოს მრავალპროფილური კლინიკა: hcore.ge; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.77

• ევროპის კარდიოლოგთა ასოციაცია, წევრი
• კარდიოლოგთა ასოციაციის პრეზიდიუმი, წევრი
• საქართველოს ინტერნისტთა საზოგადოება, წევრი
• საქართველოს მედიცინის მეცნიერებათა აკადემია, აკადემიკოსი

• 2000 - ღირსების ორდენი
• მედალი "ჯანმრთელობის დაცვის ფრიადოსანი"

• შინაგანი სნეულებანი : 2 ტომად. კომპაქტ-დისკებით (რედაქტორი) // ტ. 2. - თბილისი, მთაწმინდელი, 2009. - 840გვ.. - ISBN: 978-99940-975-8-6
• შინაგანი სნეულებანი : 2 ტომად. კომპაქტ-დისკებით (რედაქტორი) // ტ. 1. - თბილისი, მთაწმინდელი, 2008. - 684გვ.. - ISBN: 978-99940-975-7-9