ჯულიეტა ენუქიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1956 წელს.

1957–1960წწ. მუშაობდა ბავშვთა ინფექციურ საავადმყოფოში ექიმ–ორდინატორად; 1960–1962წწ. ქალაქის პირველ საავადმყოფოს ბავშვთა პირველი პოლიკლინიკის გაერთიანებაში პედიატრად; 1962–1978წწ. პედიატრიის სამეცნიერო კვლევით ინსტიტუტში უფროს მეცნიერ–თანამშრომლად; 1978–1998წწ. თბილისის სახელმწიფო სამედიცინო ინსტიტუტის კვების ჰიგიენის კათედრის დოცენტად; 1998 წლიდან თბილისის სახელმწიფო სამედიცინო უნივერსიტეტის სასწავლო–მეთოდური სამმართველოს უფროსი მეთოდისტია. მის მიერ გამოქვეყნებული სამეცნიერო ნაშრომები ეხება მოსახლეობის ჯანმრთელობის მდგომარეობასა და ვიტამინური ცვლის მაჩვენებლებს ასაკობრივ ასპექტში რიგი ეგზო და ენდოგენური ფაქტორების გათვალისწინებით. ექიმი–პედიატრი, მედიცინის მეცნიერებათა კანდიდატი. აქვს სახელმწიფო მნიშვნელობის საავტორო მოწმობა "ბავშვთა ასაკის რძე–მჟავა პროდუქტის ფერმენტირებული მაწვნის მიღების მეთოდი".

საკანდიდატო დისერტაციის თემა - "ადრეული ასაკის ბავშვთა ჯანმრთელობის მდგომარეობა და ფიზიკური განვითარება დინამიკაში", დაიცვა 1968 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.98