ქრისტეფორე არაქელოვი

დაბადების ადგილი: სოფელი ჩარდახლო, შამქორის რაიონი (აზერბაიჯანის რესპუბლიკა).

დაამთავრა თბილისის ვანო სარაჯიშვილის სახელობის სახელმწიფო კონსერვატორიის თეორიულ–საკომპოზიციო ფაკულტეტი, 1953 წელს ასპირანტურა.

1937 წლიდან ეწეოდა პედაგოგიურ მოღვაწეობას ფოთის (1937–1939წწ.) და თბილისის (1940–1966წწ.) სამუსიკო სასწავლებლებში. 1950 წლიდან  თბილისის ვანო სარაჯიშვილის სახელობის სახელმწიფო კონსერვატორიაში კითხულობდა მუსიკალური ნაწარმოებების ანალიზისა და ქართული ჰარმონიის კურსს. იგი არის მრავალი სამეცნიერო ნაშრომისა და კრიტიკული წერილის ავტორი, სწავლობდა რუსულ–ქართული მუსიკალური ურთიერთობის საკითხებს, ეწეოდა სარედაქციო მუშაობას. II მსოფლიო ომის მონაწილე. ხელოვნებათმცოდნეობის კანდიდატი (1970), დოცენტი (1971), პროფესორი (1992). მიღებული აქვს სახელმწიფო და საბრძოლო ჯილდოები.

 საკანდიდატო დისერტაცია – "რუსულ–ქართული მუსიკალური კავშირების საკითხები", დაიცვა 1970 წელს.

წყარო: საქართველო: ენციკლოპედია: ტ.I.–თბ., 1997.–გვ.187

• საბჭოთა კავშირის კომპოზიტორთა კავშირი, წევრი (1963-)

• 1979 - საქართველოს ხელოვნების დამსახურებული მოღვაწე
• 1967 - საქართველოს დამსახურებული პედაგოგი

• მოგონებები. წერილები. მასალები : კრებული (ავტორი). - თბილისი, 2000. - 135გვ.