დავით II (კათოლიკოსი)

საქართველოს კათოლიკოს–პატრიარქი(1425-1426, 1428); საქართველოს მეფის ალექსანდრე I დიდის ძე; 1417–1419წწ. მამამ ბერად შეაყენა მცხეთაში; დავით II–ის პატრიარქად მომზადება და კურთხევა დაევალა კათოლიკოს–პატრიარქ მიქელ VI-ს; 1426 წელს მეფის მიერ ზედგინიძეებისადმი მიცემულ წყალობის წიგნში უკვე მოიხსენიება როგორც ქართლის კათოლიკოსი; დავით II, როგორც სამეფო სახლის წევრი, ალექსანდრე I–ის ერთგული თანამშრომელი იყო; მონაწილეობდა მტრისაგან დაძაბუნებული ქვეყნის აღდგენაში; 1429 წელს მეფე ალექსანდრეს მიერ სვეტიცხოვლისადმი მიცემულ შეწირულობის წიგნში კათოლიკოსად უკვე თეოდორეა მოხსენიებული.

წყარო: საქართველო: ენციკლოპედია: ტ.2. – თბ., 2012. – გვ.262