დავით III (კათათოლიკოს პატრიარქი)

საქართველოს კათოლიკოს-პატრიარქი (დაახლ. 1435-1436წწ., 1438-1439წწ.); მან სვეტიცხოვლის მსახურთუხუცეს დავით ქარცისძეს უწყალობა ლომისგულ სონღულაძის მიერ მცხეთისთვის შეწირული მამული გორში და იქვე მცხეთის კუთვნილი გლეხები; მის პატრიარქობაში მეფე ალექსანდრე I დიდი (1438-1439წწ.) სწირავს სვეტიცხოველს ატენის წინაუბანს, ლომიშვილებს მათი მამულით და კათოლიკოს-პატრიარქს მიმართავს: "კათალიკოზო დავით, ჩუენთვის წირვასა და ეკლესიის სამსახურსა ნუ დააკლებთ"; კათოლიკოს-პატრიარქ დავითის ზეობაში 1438–1439წწ.  მიმდინარეობდა ცნობილი ფერარა–ფლორენციის საეკლესიო კრება, რომელზედაც ქართული ეკლესიის წარმომადგენლებმა უარი განაცხადეს ხელი მოეწერათ რომის კათოლიკურ ეკლესიასთან უნიაზე.

წყარო: საქართველო: ენციკლოპედია: ტ.2. – თბ., 2012. – გვ.263